2024 жылдың 6 шілдесі күні облыс әкімдігінің қолдауымен «Шығыс Қазақстан облыстық филармониясы» КМҚК көрермендер залында ерекше қажеттіліктері бар жандарды қолдау және әлеуметтік бейімдеу мақсатында ұйымдастырылған «Шексіз шығармашылық» атты облыстық фестивалі өтті. 

Фестиваль аясында суретшілер мен сәндік-қолданбалы өнер шеберлерінің көрмесі ұйымдастырылды.

Фестиваль көрмесіне облыстың әр түкпірінен: Өскемен, Риддер, Катонқарағай, Алтай ауданынан, сондай-ақ Глубокое, Ұлан, Шемонаиха, Тарбағатай, Самар аудандарынан 40-тан астам авторлар қатысты.

Концерттік бағдарламада ҚР Еңбек сіңірген қайраткері Александр Галсановтың жетекшілігімен ШҚО әкімінің симфониялық оркестрі, «Alem Sazy» вокалды-аспаптық ансамблі, «Шығыс Қазақстан облыстық филармониясы» КМҚК  солисттері және Алексей Никулин - саңыраулар қоғамының құрметті мүшесі, Қазақстандық саңыраулар қоғамының еңбек сіңірген әртісі, Минск қаласы «Сузорье» халықаралық фестивалінің гран-при иегері, «St.Art» қорының негізін қалаушы Станислав Цих, Өскемен қаласаның «Арман» және Қасым Қайсенов кентінің «Дарын» мәдениет үйлерінің тәрбиеленушілері, Тарбағатай, Зайсан ауданының қатысушылары және т.б. аудан әртістері өз өнерлерін көрсетті.