2024 жылдың 14 маусымы күні Ұлықбек Есдәулетовтың 70 жылдығына арналған «Төр Алтай жырлайды» атты поэзия-фестивалі Абай ескерткішіне гүл шоқтарын қою рәсімінен басталды.
Аталған ауқымды шара ШҚО Мәдениет басқармасының «Шығыс Қазақстан облыстық филармониясы» КМҚК 2-ші қабат кіші залында өтті.
Шараға арнайы шақырылған сыйлы қонақтар: Ақын, ҚР Мемлекеттік сыйлығының лауреаты, Қазақстанның еңбек сіңірген қайраткері, Түрксой Жазушылар одағының төрағасы
Есдәулетов Ұлықбек және жұбайы Есдәулет Бейсегүл Кенжебекқызы, ақын Маралтай Райымбеков, Жүргенов атындағы өнер академиясының доценті, ҚР «Құрмет» орденінің иегері, опера әншісі, Мәдениет қайраткері Тлеубек Қожанұлы, жазушы, ҚР Мемлекеттік сыйлығының лауреаты Әлібек Асқар, Қазақстан Республикасы Мәдениет және ақпарат министрлігі Мәдениет комитетінің репертуарлық саясат және өңірлік қызметті үйлестіру басқармасының басшысы Онаева Рига Талғатқызы, ақын, Қазақстан Республикасы мемлекеттік сыйлығының лауреаты Гүлнар Салықбай, ақын, Қазақстан Республикалық «Дарын» мемлекеттік жастар сыйлығының лауреаты, Геральдикалық зерттеулер орталығының директоры, Қазақстанға еңбегі сіңген қайраткер Қалқаман Сарин.
Шығыс Қазақстан облысының әкімі Көшербаев Ермек Беделбайұлы ақынды мерейлі жасымен құттықтап, Президент Қасым-Жомарт Тоқаевтың алғыс хатын табыс етті. Мәдениет комитетінің репертуарлық саясат және өңірлік қызметті үйлестіру басқармасының басшысы Онаева Рига Талғатқызы ақынға Мәдениет және ақпарат министрі Аида Балаеваның құттықтау хатын ұсынды.
Ұлықбек Есдәулетовтың 70 жылдығына арналған «Төр Алтай жырлайды» атты поэзия-фестивалінде облысымыздың түкпір-түкпірінен келген қазақ сөз өнерін, тіл құдіретін келер ұрпаққа жеткізер жас ақындар өз өнерлерін көрсетті.
Іс-шара соңында фестивальға қатысушы ақындар алғыс хаттармен және бағалы сыйлықтармен марапатталды.