Ағымдағы жылдың 28 ақпан күні Шығыс Қазақстан облысы Мәдениет басқармасының «Ертіс концерт» КМҚК көрермендер залында «Ақ босаға» ансамблінің «Алғыс айту» күніне арналған «Алғыс бәріңе» атты концерті өтті.

«Ақ босаға» ансамблі  2015 жылы қазан айында құрылды. Ансамбльдің құрамында әжелер, кешегі ұлағатты ұстаздар, дәрігерлер, зейнетке шыққан өнер қайраткерлері бар. Ансамбль көптеген концерттік бағдарламаларда өз өнерлерімен көрермендердің алғысына бөленіп,  халықты береке - бірлікке шақырып жүрген үлкен ұжым.

Концерттік  бағдарламада «Алтай» фольклорлы - этнографиялық ансамблі, «Алтай» халық би ансамблі және «Ақ толқын», «Пируэт» үлгілі би ансамбльдері өз өнерлерін көрсетті.